रकम असुल्ने प्रहरी जवान पक्राउ
काठमाडौं, चैत्र १ - प्रहरीमा आएको सूचनाका आधारमा रकम असुल्ने एक प्रहरी जवान आइतवार पक्राउ परेका छन । प्रहरी जवान महेश पाण्डेलाई नक्कली रक्सी बनाउने दुई जनाको समूहलाई धम्क्याएर रकम असुल्ने क्रममा कोटेश्वरको प्रहरीले पक्राउ गरेको थियो । कोटेश्वरले थप अनुसन्धानका लागि वानेश्वर वृत्तमा बुझाएको पाण्डे र शंकास्पद दुई जनालाई अनुसन्धानका लागि आइतवार राती नै हनुमानढोका पठाइएको छ । प्रहरीका अनुसार नक्कली रक्सी बनाउने अभियोग लागेकाहरु बुद्ध दराई र यज्ञनाथ श्रेष्ठ हुन । उनीहरुका साथबाट प्रहरीले नक्कली रक्सी सम्बन्धी केही बरामद भने गरेको छैन ।
अभियुक्त पाण्डेले उनीहरुलाई नियन्त्रणमा लिई पचास हजार नगद असुलेका थिए भने थप ७० हजार लिनका लागी कागज गराएका थिए । असुल्न बाकी ७० हजारका लागी पाण्डेले ती दुई जनाबाट एउटा मोटरसाइकल पनि जबरजस्ती खोसेर नियन्त्रणमा लिएको कोटेश्वरका सई प्रकाशबहादुर सिंहले बताए ।
सूचनाका आधारमा 'सादा पोशाकका घुमुवा प्रहरीले' नगद र मोटरसाइकल लिइसकेको सूचना पाएपछि वानेश्वर र कोटेश्वरका वरिष्ठ अधिकृतहरु ती फरार प्रहरीलाई पक्राउ गर्न सक्रिय भएका थिए ।
'उसैले भनेको एक दर्जन भन्दा बढी स्थानमा पछ्याउदै जानेक्रममा मात्रै पाण्डेलाई पक्राउ गर्न सकियो,' वानेश्वर वृत्तको डिएसपी गणेश एैरले भने, 'बौद्ध, दक्षिणढोका, वानेश्वर, बागबजार लगायतका अनेक स्थानमा बोलाउदै जादा अन्तमा पाण्डे मोटरसाइकल सहित तीनकुनेबाटै पक्राउ परे ।' पाण्डेले अन्य तीन सहयोगीसग मिलेर पैसा असुलेको प्रहरीलाई बताएका छन ।
पक्राउ परेको पाण्डेको साथबाट प्रहरी कर्मचारी भएको कुनै कागजात नभेटिएपनि उनले आफू प्रहरी जवान भएको बताएका छन । पाण्डेले दिएको बयान अनुसार उनको दरबन्दी पर्सा जिल्ला हो, हाल उनी काठमाडौमै घुमुवाको रुपमा कार्यरत छन । उनी कसको मातहत कार्यरत थिए भन्ने हालसम्म खुल्न सकेको छैन । घुमुवा प्रहरी उच्च अधिकृतको निर्देशनमा सूचना संकलनमा परिचालित हुन्छन् ।
साभार:ई कान्तिपुर
कास्की, चैत्र १ - दुई युवा आपसमा आरोप प्रत्यारोपसँगै घम्साघम्सी गर्ने सुरसार गर्छन् । वरिपरि भेला भएका मानिसहरू उनीहरूको भिडन्त निकै उत्सुकतापूर्वक हेरिरहेका हुन्छन् । त्यतिकैमा ठूलो आवाज आउँछ, 'कट... ।' यो थियो, सञ्चारकर्मी किरण अधिकारीको निर्माणमा बन्न लागेको सिनेमा 'भनिदेऊ न माया गर्छु' को दृश्य । रेडियो र टेलिभिजनमा चलचित्रसम्बन्धी रिपोर्टिङ गर्दै आएका अधिकारीले यसअघि 'आफ्नै मनलाई सोधी हेर' चलचित्र निर्माण गरिसकेका छन्, जसको अधिकांश छायाङकन पनि तालनगरीमै भएको थियो । 'भनिदेऊ न माया गर्छु,' को शनिबार छायाङकन भइरहँदा दर्शकहरू भिडन्त गर्ने नायक दिलीप रायमाझी र नवनायक प्रभाकरदेव श्रेष्ठको चर्तिकला देखेर दंग परेका थिए । सुटिङ हेरिरहेका एक जना बीचमै फुसफुसाए, 'हैन, युवतीका लागि युवाहरू बीच वास्तवमा यस्तै झगडा हुन्छ ।' 
काठमाडौ, चैत्र १ - सरकारले आइतबार सुनको आयातमा भन्सार वृद्धि गर्न लागेको जानकारी उच्च सरकारी स्रोतले दिएका छन्। स्रोतका अनुसार मन्त्रिपरिषद्को आइतबार बस्ने आकस्मिक बैठकले सुनको बजार मूल्य भारतको बराबर बनाउन भन्सार वृद्धि गर्ने भएको छ। भन्सार वृद्धिसागै महागो पहेंलो धातुको मूल्य थप बढ्नेछ । भारतले सुनमा नेपालको भन्दा धेरै भन्सार लगाउँदा गत वर्षदेखि नै उच्च मात्रमा सुन भारततिर जाने गरेको थियो । झन्डै एक महिनाअघि भारतले फेरि भन्सार बढाएपछि तस्करीको सम्भावना अझ बढेको भन्दै ह्यान्डक्यारीमार्फत सुन ल्याउन पनि राष्ट्र बैंकले रोक लगाएको थियो। 
पोखरा , फाल्गुन २९ - कुमार विक जन्मैदेखि आँखा कम देख्थे, बिस्तारै दृष्टि गुम्यो । ३३ वर्षसम्म आँखा देखेनन् । दृष्टिविहीन भएकैले केही गर्न पनि सकेनन् । उनका चारै छोरा पनि उनीजस्तै जन्मे । दुःख कष्ट त छँदैछ, 'दृष्टिविहीनको परिवार' का नामले गाउँमा अपहेलित भएका यी पाँचै जनाले अहिले एकैचोटि आँखा देखेर नयाँ जीवन पाएका छन् । तनहुँ किहुँ-८ को यो परिवारले हिमालय आँखा अस्पताल पोखरामा शल्यक्रिया भएपछि दृष्टि पाएका हुन् । गरिबी र चेतना कमीले उपचार चासो नदेखाएका परिवारका बाबु कुमारसहित डेढ वर्षीय नरबहादुर, छ वर्षीय सन्तोष, १० वर्षीय केशर र १२ वर्षीय दिलबहादुर सबै देख्न सक्ने भएका छन् ।
भारतीय टेलिभिजनमा सर्वाधिक मन पराइएको सांगीतिक खोज कार्यक्रम इण्डियन आइडलको पाँचौ संस्करणमा सहभागी र दर्शकले नयाँ निर्णायक पाउने भएका छन। इण्डियन आइडलले स्वदेश र विदेशमा बसेका भारतीय युवाको प्रतिभालाई खोजी गरी उनीहरुलाई राष्ट्रिय मुलधारमा ल्याउने प्रयास गरिरहेको छ । प्रारम्भीक चरणमा निर्णायकको मतको आधारमा सहभागी छनोट गरिने र पछि जनताको मतको आधारमा उत्कृष्ट गायक चुनिने प्रावधान रहेको छ। 
चलचित्र क्षेत्र ग्ल्यामर्स र फेशनको क्षेत्र हो । जहाँ दिनहुँ हरेक पक्षको नयाँ प्रयोग गरिन्छ । यहा बदलिदो परिवेससँगै कलाकारहरु नयाँ गेटअपमा आउने गर्छन । उनीहरुलाई हेरेर दर्शकले त्यस्तै किसिमका कुरा अनुशरण गर्ने गर्छन । पर्दामा जे देखिन्छ, कलाकारको वास्तविक जीवनमा त्यो हुन्छ वा हुँदैन यसै भन्न सकिन्न । तर अधिंकांश कलाकार भने आफूलाई चलचित्रमा झैं बाहिर पनि फेशनेवल बनाउन चाहन्छन् । दर्शकले रिलमा देखे झैं बाहिर रियलमा पनि उस्तै स्मार्ट र फेशनेवल बनेर हिंड्दा वाहवाही कमाइने उनीहरुको अनुभव छ । सुटिङमै ब्यस्त भइरहने कलाकारले भने आफूले चाहे अनुरुपको फेशन गर्न नभ्याउने भए पनि चलचित्रबाहिर भने आˆनो सोख पूरा गर्ने गरेको बताउँछन् । नायक राजेश हमाल फिल्ममा प्रायः सामान्य ड्रेसमा देखापर्छन । प्राय चलचित्रमा अन्याय विरुद्ध लडने र गरीवका पक्षधर भएर देखिने राजेशलाई निर्देशकहरुले गरीव किसानको छोरोको भुमिका दिइरहेका हुन्छन । त्यसकारण चलचित्रमा उनको डे्रसअप पनि गरीवकै पाराको हुन्छ ।
२८ फागुन, काठमाडौं । गर्मीयामसँगै फलफूलको कारोबार पनि बढ्न थालेको छ । अहिले अङ्गुर, स्याउ र केराको कारोबार बढेको छ । तर अघिल्लो वर्षको तुलनामा यसवर्ष फलफूलको भाउ महङ्गो भएको व्यापारीहरुले बताएका छन् । 
२६ फागुन, काठमाडौं । शान्ति सुरक्षा बहाली हुन नसकेको भन्दै गृह राज्यमन्त्री रिजवान अन्सारीले पद त्याग गर्दै हुनुहुन्छ । आठ महिना अघि राज्यमन्त्रीमा नियुक्त अन्सारीले बुधबार प्रधानमन्त्रीसमक्ष औपचारिक राजीनामा पत्र बुझाउँदै हुनुहुन्छ । ‘शान्ति सुरक्षामा सुधार हुने लक्षण देखिएन, त्यसैले बुधबार राजीनामा दिँदैछु,’ अन्सारीले भन्नुभयो । यसअघि उहाँले शान्ति सुरक्षामा १५ दिन भित्र सुधार नआए पद त्याग्ने घोषणा गर्नुभएको थियो । सन्चार उद्यमी जमीम शाह र अरुण सिंहानियाको हत्यापछि अन्सारीले सार्बजनिक रुपमै गृहमन्त्री भीम रावललाई पनि नैतिकताको आधारमा पद त्याग्न सुझाव दिनुभएको थियो ।
काठमाडौ, फाल्गुन २५ - समयमै संविधान जारी हुनुपर्ने माग गर्दै नागरिकहरुले संविधान सभास्थल बानेश्वरमा धर्ना दिइरहेका छन् । उनीहरुले तोकिएको समयमै संविधान जारी हुनुपर्ने माग गर्दै धर्ना दिंदै आएका छन् ।
बाग्लुङका कक्षा १०मा अध्ययनरत कुसल के. सी को सोलर कार पुस्तक प्रदर्शन तथा शैक्षिक महत्सव बुटवलमा प्रदर्शनको रुपमा राखिदै। बुटवलमा कुसल के. सी लाई बाल बैज्ञानीक को रुपमा सम्मान गरिएको थियो। कुसलको कार ५ प्यानलको सोलर सक्तिले फ्याराडेको मोटर नियममा गूड्ने कार हो । बाल बैज्ञानीकको यो आबिस्कार नेपालकै पहिलो सोलर कार एवम नौलो प्रबिधी रहेको छ। 
